डॉ.अजिंक्य डी.वाय.पाटील हेल्थकेअरच्या सीईओ पदी शिवदत्त दास

कोल्हापूर/प्रतिनिधी : शैक्षणिक क्षेत्रात मोलाची भूमिका बजावणाऱ्या महाराष्ट्रातील डॉ. डी वाय. पाटील यांच्याशी सलग्न आलेल्या अजिंक्य डी. वाय. पाटील या संस्थेने आरोग्य सेवा क्षेत्रात प्रवेश केला आहे. या समूहाने आरोग्य सेवा क्षेत्रात ६०० कोटी रुपयाची गुंतवणूकीचे लक्ष्य असल्याची माहिती डॉ. डी. वाय. पाटील समूहाचे अध्यक्ष डॉ. अजिंक्य पाटील यांनी दिली. डॉ . डी वाय.पाटील यांच्या ज़ोडियक हीलोट्रोनिक्स प्रा. लिमिटेड या कंपनी अंतर्गत संपूर्ण व्यवसायाचा विस्तार केला जाणार आहे. आरोग्य क्षेत्रातील कंपनीच्या व्यवस्थापकीय संचालक आणि मुख्य कार्यकारी अधिकारी पदी
शिवदत्त दास यांची नियुक्ती केली गेली असल्याची घोषणा डॉ अजिंक्य डी. वाय पाटील समूहाचे अध्यक्ष डॉ.अजिंक्य पाटील यांनी केली दास यांनी १ जून रोजी पदभार स्वीकारला असून ज़ोडियक हीलोट्रोनिक्स प्रा. लिमिटेड चे ते नेतृत्व करणार आहेत.
या प्रकल्पाला उत्कृष्टतेचे केंद्र म्हणून या ग्रुपची स्थापना करायची आहे, ज्यात एक हजार बेड्स असलेले एक सुपर स्पेशालिटी हॉस्पिटल, मेडिकल कॉलेज, पॅरामेडिकल आणि नर्सिंग शिक्षण असेल. तसेच, इतर आरोग्य सेवेशी संबंधित व्यवसाय क्षेत्रातही विस्तार योजना बनविल्या गेल्या आहेत. मुंबईच्या मध्यभागी असलेला हा महत्वाकांक्षी प्रकल्प ऐतिहासिक संस्था ठरणार आहे अशी माहिती कंपनीचे नवनियुक्त कार्यकारी अधिकारी दास यांनी दिली. डॉ.अजिंक्य पाटील म्हणाले, “आम्हाला खात्री आहे की गटाची नेतृत्त्व कार्यसंघ यशाचा ट्रॅक रेकॉर्ड, मोठ्या प्रमाणात प्रकल्पांची समजूत घालणे आणि व्यवसाय मजबूत करण्याच्या वचनबद्धतेसह त्याच्या विकासात महत्त्वपूर्ण भूमिका बजावेल.” कंपनीबरोबर नवीन टॅलेंट जोडण्यासाठी ही चांगली सुरुवात आहे. ‘