कोल्‍हापूरः कोल्हापूर जिल्हा सहकारी दूध उत्पादक संघ मर्या, कोल्हापूर (गोकुळ) दूध संघास बिहार, त्रिपुराचे माजी राज्यपाल पद्मश्री डॉ. डी. वाय. पाटील यांनी गोकुळ प्रकल्पास भेट दिली. त्यावेळी स्वर्गीय आनंदराव पाटील -चुयेकर यांच्या पुतळ्यास अभिवादन केले. यावेळी त्यांचे स्‍वागत संघाचे चेअरमन विश्‍वास पाटील यांनी संचालक मंडळाच्‍या उपस्थित केले.यावेळी बोलताना पद्मश्री डॉ. डी. वाय. पाटील म्हणाले कोल्हापूर जिल्ह्याचा शेती हा मुख्य व्यवसाय आहे शेतीला दुग्ध व्यवसायाची जोड दिल्याने कोल्हापूर जिल्ह्यातील शेतकरी वर्गाला आर्थिक स्थैर्य प्राप्त झाले आहे. त्याचे सर्व श्रेय ‘गोकुळ’ दूध संघाला जाते. भविष्यात ‘गोकुळ’ देशाच्या दुग्ध व्यवसायात क्रांती घडवेल असे गौरउद्गार काढले. तसेच गोकुळचे व माझे ऋणानुबंध जुने असून माझी व स्वर्गीय चुयेकर साहेबांची मैत्री राजकारणापलीकडे होती. गोकुळची नेत्रदीपक प्रगती पाहून आनंद वाटतो. गोकुळने भविष्यात २० लाख लिटर्स संकलनाचा टप्पा पूर्ण करून दूध उत्पादकांना जास्तीत जास्त लाभ करून द्यावा. पुढे बोलताना म्हणाले कि सहकारामध्ये काम करताना शांत व संयमाने वागावे कोणाचाही द्वेष करू नये आपले काम प्रामणिकपणे करावे असे मार्गदर्शन केले. यावेळी बोलताना संघाचे चेअरमन विश्‍वास पाटील म्हणाले सर्वसामान्य कार्यकर्त्यांपासून सुरु केलेली राजकीय कारकीर्द पुढे अनेक मोठमोठ्या पदांपर्यंत घेऊन गेली. कार्यकर्ता, महापौर,आमदार ते अगदी राज्याचे राज्यपाल तसेच दादांचे शैक्षणिक, कृषी व इतर क्षेत्रातील योगदान आम्हास प्रेरणादायी आहे. दादाचा वारसा डॉ. संजय डी. पाटील व पालकमंत्री सतेज उर्फ बंटी पाटील व त्यांचे कुटुंबीय यशस्वीपणे पुढे नेत आहेत. गोकुळ दूध संघाचे संकलन, वितरण व इतर दैनंदिन कामकाज विषयी सविस्तर माहिती श्री. पाटील यांनी दिली. निवडणुकीनंतर २० लाख लिटर्स दूध संकलनाचा संकल्प नव्या संचालक मंडळाने केला असून तो लवकरच पूर्ण करू असे मनोगत व्यक्त केले.
Leave a Reply