सिध्दगिरी येथील ‘सुमंगलम् पंचमहाभूत लोकोत्सवाची तयारी अंतिम टप्प्यात; दहा लाख लोक भेट देणार

सिध्दगिरी येथील ‘ सुमंगलम् पंचमहाभूत लोकोत्सवाची तयारी अंतिम टप्प्यात; पंतप्रधान नरेंद्र मोदी यांची उपस्थिती
कोल्हापूर / प्रतिनिधी : सिद्धगिरी मठ कणेरी येथे येत्या २० ते २६ फेब्रुवारी दरम्यान होत असलेला ‘सुमंगलम् पंचमहाभूत लोकोत्सव ‘आंतरराष्ट्रीय पातळीवर पोहोचला असून त्यामुळे कोल्हापूरसह महाराष्ट्र राज्याची एक वेगळी विधायक आणि व्यापक ओळख निर्माण होईल. तसेच हा महोत्सव खऱ्या अर्थाने लोकांचा उत्सव ठरेल,असा विश्वास परमपूज्य अदृश्य काडसिद्धेश्वर स्वामीजी यांनी पत्रकारांशी बोलताना व्यक्त केला. या महोत्सवात पंतप्रधान नरेंद्र मोदी यांची उपस्थिती असण्याची दाट शक्यता आहे. तसेच आठ ते दहा राज्यांचे मुख्यमंत्री, राज्यपाल, एक हजार संत महंत, विविध राज्यातील शास्त्रज्ञ, देशातील पाच हजार पारंपारिक वैद्य यांची उपस्थिती असणार आहे. या लोकोत्सवाच्या मध्यवर्ती संकल्पनेनुसार ‘आकाश – वायू – अग्नी जल आणि पृथ्वी या पंचमहाभूतांच्या प्रांरभापासून आजच्यापर्यंतची प्रवास रचना
मानवाच्या अतिरेकी वापरामुळे झालेली दुरावस्था आणि आगामी काळातील धोके व घेण्याची दक्षता
या संदर्भाने प्रबोधन पर असे हे पाच डोम लक्षणीय आणि ज्ञानात भर घालणारे ठरणार आहेत .
यासह लॉर्ड मेकॉलेची शिक्षणपद्धती सोडून कुठलीही नोकरी न मिळणारी पण शंभर टक्के स्वयंपूर्ण बनवणारी शाळा म्हणजे अनोखे गुरुकुल विद्यालय कणेरी मठावर सुरु आहे . ‘पंचमहाभूत लोकोत्सव’ मध्ये याची प्रतिकृती उभारण्यात आली आहे.
गेल्या दोन वर्षापासून हे काम सुरु आहे.एका मूर्तीची किमत ४० ते ५० हजार रूपयांच्या घरात असून उन पाऊस झेलत शेकडो वर्ष या मुर्त्या टिकून राहतील अशा विश्वास मठाच्या प्रशासनाला आहे.सहाशेच्या वर मुर्त्यांचे काम अंतिम टप्प्यात आले आहे.
गुरुकुल विद्यालयामध्ये चार वेद,सहा शास्त्र आणि ६४ प्रकारच्या कला शिकविल्या जातात .ब्रिटिश प्रभावी मेकॉले शिक्षणपध्दतीने परस्पर संवाद नाहीसा झाला आहे. कुटुंबव्यवस्था व सामाजिक जीवन उद्धवस्त होत आहे. आणि केवळ चाकरमाने निर्माण झाले.शंभरातील केवळ तीन ते पाच जणांनाच नोक-या मिळतात. त्यावर हा एक कृतीशील प्रभावी प्रयार्य आहे . गोपालक,एक हजार वर्ष टिकणारे घर बनवणारा इंजिनिअर,प्रक्रिया उद्योजक,व्यायसायिक,शिल्पकार, ज्वेलर,संगीतकार, पाकशास्त्र, ज्योतीषशास्त्र,खगोलशास्त्र,हवामानशास्त्र,हॉर्स व बुल रायडींग,इतिहास, पाठांतर (आयुर्वेदाचे श्लोक),शिल्पवेद,धनुर्वेद,गंधर्ववेद , युध्दकला,मॅनेजमेंट,नॅचरल सायन्स, वेदगणित, ब्युटीपार्लर अशा असंख्य कला शिकवताना संस्कृत,मातृभाषा,आश्रमभाषा,राष्ट्रभाषा आणि शेवटी इंग्रजी भाषेला इथे महत्व दिले जाते.
रोटरी क्लब इंटरनॅशनल च्या माध्यमातून त्यांच्या विविध ठिकाणच्या आजी माजी भावी गव्हर्नर तसेच विविध पदाधिकारी यांना संपर्क साधला जात आहे. त्यानुसार महाराष्ट्र, कर्नाटक, गोवा, उत्तर प्रदेश दिल्ली सह चारही महानगर अर्थात मुंबई, दिल्ली, कलकत्ता, बेंगलोर इथूनही पदाधिकारी या लोकांचा सहभागी होणार आहेत.
महोत्सवाच्या आदल्या दिवशी 19 फेब्रुवारी रोजी शिवजंयती निमीत्त शोभायात्रा काढण्यात येणार आहे या शोभा यात्रेमध्ये चित्ररथांचा समावेश असेल या चित्ररथांमध्ये छत्रपतींचा पर्यावरणाबद्दलचा दृष्टिकोन प्रकाश झोतात आणला जाणार आहे. दसरा चौकातून या शोभायात्रे सुरू होऊन पंचगंगा घाटावर या शोभायात्रेची सांगता होणार आहे त्यानंतर पंचगंगा नदीची महाआरती सोहळा मुख्यमंत्री एकनाथ शिंदे यांच्या हस्ते संपन्न होणार आहे. यामध्ये विविध भजनी मंडळ तसेच शहरातील तालीम संस्था महिला बचत गट आपल्या पारंपारिक वेशभूषेत सहभागी होऊन आपल्या कला सादर करणार आहे . तसेच शेतकऱ्यांना कमी खर्चात शेती कशी करावी याची माहिती येथे मिळणार आहे. आणि जनावरांच्या स्पर्धा यामध्ये गाई, म्हशी, घोडे, मांजर, कुत्रे, गाढव, शेळ्या यांचा समावेश असेल. विजेत्यांना एक लाख रुपयांचे पुरस्कार देण्यात येणार आहेत. महोत्सवामध्ये एकूण एक हजार स्टॉल्स असणार आहेत. पत्रकार परिषदेला डॉ. मधुकर बाचूळकर डॉ. वाली, श्री.बारामतीकर, प्रताप पुराणिक, माणिक पाटील-चुयेकर, डॉ. संदीप पाटील उपस्थित होते.