शिवेसनेच्या डॉ. सुजित मिणचेकर यांच्याकडून उमेदवारी अर्ज दाखल  

हातकणंगले  : हातकणंगले राखीव विधानसभा मतदारसंघ असल्यामुळे नेहमीच या विधानसभेत उमेदवारांमध्ये  चुरशीची लढत  असते तसेच यावेळी देखील या विधानसभेत चुरस पाहण्यासाठी मिळणार आहे. यावेळी शिवसेनेकडून डॉ सुजित मिणचेकर यांना उमेदवारी मिळाली असल्याने त्यांनी त्यांचा उमेदवारी अर्ज भरण्यापूर्वी ”किणी” या गावातील हनुमान मंदिर येथून रैलीला सुरुवात केली. या रैलीमध्ये शिवसेना.भाजप आरपीआय (आठवले गट ) व इतर मित्रपक्ष कार्यकर्ते सहभागी झाले होते. वाठार, वडगाव, मिणचेमार्गे घोषणाबाजी करत रैली हातकणंगले येथे दाखल झाली. यावेळी शिवसेना संपर्कप्रमुख मुरलीधर जाधव, माजी खासदार निवेदिता माने , वेदांतिका माने, सौ लेख मिणचेकर, महेश चव्हाण, अविनाश बनगे, संजय चौगुले, आदी प्रमुख कार्यकर्त्यांच्या उपस्थितीत उमेदवारी अर्ज डंख केला.  यावेळी मिणचेकर म्हणाले ‘ दहा वर्षात केलेल्या विकासकामामुळे मतदारसंघातील सर्वसामान्य जनता माझ्या पाठीशी ठाम उभी राहणार आणि यावेळी आपण हॅट्रिक करत विक्रमी मतांनी विजय होणारच अशा विश्वास व्यक्त केला.