विश्वजीत शिंदेचा आमदार चंद्रकांत जाधव यांच्या हस्ते सत्कार

कोल्हापूर : भारतीय युवा फुटबॉल संघात ( १९ वर्षाखालील) निवड झालेबद्दल विश्वजीत शिंदे याचा आमदार चंद्रकांत जाधव यांच्या हस्ते सत्कार करण्यात आला.विश्वजीत हा फुटबॉल क्लब कोल्हापूर सिटी (एफसी) संघाचा खेळाडू आहे. यापूर्वी भारतीय महासंघामार्फत कोल्हापूर स्पोर्टस असोसिएशनच्यावतीने घेण्यात आलेल्या निवड चाचणीतून विश्वजीतची १६ वर्षाखालील भारतीय युवा फुटबॉल संघात निवड झाली होती. यावेळी भारतीय संघातून विश्वजीतने उत्कृष्ट खेळ केला होता. या खेळीच्या जोरावर १९ वर्षाखालील भारतीय युवा फुटबॉल संघात विश्वजीतची निवड झाली आहे. याबद्दल आमदार चंद्रकांत जाधव यांच्या हस्ते पुष्पगुच्छ व फुटबॉल कीट देऊन विश्वजीतचा सत्कार करण्यात आला. स्पर्धेत चमकदार कामगिरी करून, कोल्हापुराचा नावलौकीक करावा अशा शुभेच्छा आमदार जाधव यांनी विश्वजीतला दिल्या.

यावेळी माजी नगरसेवक संभाजी जाधव, अमित पवार, युवराज पाटील, सचिन पायमल, अनुप चौगुले आदी उपस्थित होते.