२०२६ सालापर्यंत कोल्हापूर हे पुण्यानंतर राज्यातील मोठे विकसित शहर :पालकमंत्री सतेज पाटील

कोल्हापूर/प्रतिनिधी : २०२६ सालापर्यंत कोल्हापूर हे पुण्यानंतर राज्यातील सर्वात मोठे विकसित शहर असेल असा विश्वास महाराष्ट्र राज्याचे गृहराज्यमंत्री तथा पालकमंत्री सतेज पाटील यांनी व्यक्त केला व्हायब्रंट महा एक्सपो २०२२ च्या शाहूपुरी जिमखाना मैदानावर झालेल्या उद्घाटन प्रसंगी ते बोलत होते.उद्योग क्षेत्राला चालना मिळावी व वेगवेगळ्या उद्योगांची माहिती व्हावी यासाठी महाराष्ट्र चेंबर ऑफ कॉमर्स अँन्ड इंडस्ट्री अँन्ड अँग्रीकल्चर व कोल्हापूर चेंबर ऑफ कॉमर्स अँन्ड इंडस्ट्रीज व एमआयडीसी महाराष्ट्र राज्य  यांच्या संयुक्त विद्यमानाने हे भव्य औद्योगिक आणि यंत्रसामग्री असणारे  ” व्हायब्रंट महाएक्सपो २०२२” प्रदर्शन १५ ते १८ एप्रिल या कालावधीत शाहूपुरी जिमखाना मैदान येथे आयोजित केले आहे.या प्रदर्शनाचे आज फित कापून उदघाटन पालकमंत्री सतेज पाटील व खा.संजय मंडलिक व खा.धैर्यशील माने यांच्या हस्ते झाले. यावेळी व्यासपीठावर खा.धैर्यशील माने,खा.संजय मंडलिक यांची तर

महाराष्ट्र चेंबर ऑफ कॉमर्सचे अध्यक्ष ललित गांधी, कोल्हापूर चेंबर ऑफ कॉमर्सचे अध्यक्ष संजय शेटे,एम. आय.डी.सीचे विभागीय अधिकारी राहुल भिंगारे,महाराष्ट्र चेंबर ऑफ कॉमर्स अँड इंडस्ट्रीचे उपाध्यक्ष रवींद्र माणगावे,करुणाकर शेट्टी,महाराष्ट्र चेंबर ऑफ कॉमर्स अँड इंडस्ट्री ट्रस्ट बोर्डचे चेअरमन आशिष पेडणेकर,रिलायन्स इंडस्ट्रीज लि. पुणेचे सत्यजित भोसले, रामसा क्रेन्स प्रा. लि. चे सीईओ सदाशिव बरगे, महाराष्ट्र इकॉनॉमिक डेव्हलपमेंट कौन्सिलचे अध्यक्ष रवी बोराटकर यांची उपस्थिती होती.
यावेळी बोलताना पालकमंत्री सतेज पाटील म्हणाले अर्थकारणाची चक्रे फिरत आहेत नव्या टेक्नॉलॉजी माहिती होण्यासाठी नवीन उद्योजकांना हे प्रदर्शन माध्यम आहे कोल्हापूर मध्ये पूर्वी एमआयडीसी ची संकल्पना नव्हती उद्यम को – ऑप सोसायटी होती याठिकाणी उद्योजकांना उभे केले गेले आता मात्र उद्योग धंदे वाढीला लागले आहेत जमिनीची कमतरता आहे अशी २७० कोटी रुपयांची गुंतवणूक केली जाणार आहे. करवीर तालुक्यातील हलसवडे येथे एमआयडीसी करण्याचा विचार चालू आहे कोल्हापूर जिल्ह्यामध्ये औद्योगिक प्रगती होणे आवश्यक आहे केवळ शेती आणि दूध यावरच अर्थकारण चालते त्यामुळे उद्योग क्षेत्राला चालना देणे गरजेचे आहे असे सांगितले. कोल्हापूरला पुढे घेऊन जाण्याचा विचार चालू आहे त्यासाठी अनेक रस्त्यांचा प्लान तयार केलेला आहे नाईट लँडिंग विमानतळावर करण्याची तयारी चालू आहे कोल्हापूर मधील किचन वेअर कपड्यांचे मार्केट यांच्या विकासाला प्राधान्य दिले जाणार आहे मेट्रोच्या माध्यमातून पुणे मुंबई पुढे येत आहे यामुळे पश्चिम महाराष्ट्राला मूलभूत सुविधा कशा देता येतील यासाठी प्रयत्न चालू आहेत कोल्हापूरच्या विमान तळाच्या ठिकाणी सांगली सातारा वरून लोकांना येण्याची संधी आहे  होईल याची माहिती या प्रदर्शनाच्या माध्यमातून दिली जाणार आहे असे सांगितले.व पालकमंत्री यांनी सांगितल्याप्रमाणे आम्ही कोल्हापूरसाठी नेहमीच कार्यरत राहू असे आश्वासन दिले.कोल्हापूर चेंबर ऑफ कॉमर्सचे अध्यक्ष संजय शेटे यानी बोलताना उदयोग क्षेत्राला चालना व गती मिळावी यासाठी स्वर्गीय उद्योजक चंद्रकांत जाधव यांनी प्रदर्शनासाठी पुढाकार घेतला होता उद्योजकांना व विद्यार्थ्यांना मार्गदर्श व्हावे हाच या प्रदर्शनाचा उद्देश आहे आम्ही सर्व संघटना एकत्रित येऊन महिन्यातून एक दिवस व्यापार व उद्योगांसाठी देणार असल्याचा शब्द शेटे यांनी यावेळी दिला.