माघी वारी एकादशी निमित्त गोकुळ’ कडून सुगंधी दूधाचे वाटप

कोल्‍हापूर : कोल्हापूर जिल्हा सहकारी दुध उत्पादक संघ मर्या कोल्हापूर (गोकुळ) मार्फत जया तथा माघी वारी एकादशी निमित्त श्री क्षेत्र पंढरपूर येथे वारकरी व भाविकांना सुगंधी दूध वाटप संघाचे चेअरमन अरुण डोंगळे यांच्या हस्ते व विविध मान्यवरांच्या उपस्थितीमध्ये करण्यात आले.जया तथा माघी वारी एकादशी निमिताने श्री क्षेत्र पंढरपूर येथे पायी वारीमध्ये महाराष्ट्रातील तसेच कर्नाटक राज्यातील भाविक भक्त मोठ्या प्रमाणात येत असतात. या पायी वारीचे औचित्य साधून आज वारीतील भाविकांना  गोकुळच्या वतीने ५००० सुगंधी दूध पिशवीचे वाटप संघाचे चेअरमन अरुण डोंगळे यांच्या हस्ते व विविध मान्यवरांच्या उपस्थिती मध्ये करण्यात आले. या वेळी मोठ्या प्रमाणात भाविकांनी याचा लाभ घेतला. यावेळी प्रांताधिकारी सचिन इतापे, तहसीलदार सचिन इगुले, गटविकास अधिकारी प्रशांत काळे, पंढरपूर येथील वितरक प्रदीप थोरात, राजेश कदम, योगेश टोणपे, सुहास डोंगळे, संदीप ढेकळे, शिवाजी चौगले, संघाचे अधिकारी, कर्मचारी आदि उपस्थित होते .