गोकुळमार्फत ‘गोकुळ श्री’ स्पर्धेचे आयोजन

कोल्‍हापूर : कोल्हापूर जिल्हा सहकारी दूध उत्पादक संघ लि. कोल्हापूर (गोकुळ) संघामार्फत दूध उत्‍पादन वाढीसाठी व उत्‍पादकांना प्रोत्‍साहन देणेसाठी संस्थांचे दूध उत्पादक सभासदांचे जास्तीत जास्त दूध देणाऱ्या म्हैशी व गाईसाठी ‘गोकुळ श्री’ स्पर्धा आयोजित केली आहे. सदरची ‘गोकुळ श्री’ स्पर्धा दि.२०  ते ३० नोव्हेंबर या कालावधीत घेण्यात येणार आहे. या स्पर्धेत सहभागी होण्यासाठी दूध उत्पादक यांनी  बोरवडे,लिंगनूर,तावरेवाडी,गोगवे,शिरोळ व ताराबाई पार्क येथील कार्यालयात  दि.०९/११/२०२४ इ. रोजी अखेर नोंदणी करणे आवश्यक आहे. तसेच स्पर्धेत सहभागी होण्यासाठी म्हैस कमीत कमी १२ लिटर प्रतिदिनी व गाय २० लिटर प्रतिदिनी दूध देणारी असणे आवश्यक आहे.या स्पर्धेतील विजेत्यांना म्हैस १ ते ३ क्रमांक व गाय १ ते ३ क्रमांक अशा सहा क्रमांकांना बक्षीस, शिल्ड व प्रमाणपत्र देऊन ‘गोकुळ श्री’ या पुरस्काराने सन्मानित करण्यात येणार आहे. या ‘गोकुळ श्री’  स्पर्धेमध्ये जास्तीत जास्त दूध उत्पादकांनी सहभाग घ्यावा असे आवाहन गोकुळचे कार्यकारी संचालक योगेश गोडबोले यांनी केले आहे.