कोल्हापूमध्ये प्रथमच “डीजे ॲम्युझमेंट पार्क,रोबोट ॲनिमल नगरी “उभी

कोल्हापूर: पूर्वीच्या काळी लोकवस्ती दाठ नव्हती त्यामुळे लोकांना व वन्यप्राणी याना वावरता येत होते आता ते जंगला पुरतेच मर्यादित राहिले आहेत लहान मुले असू देत अगर मोठी व्यक्ती सर्वांनाच वन्यप्राणी सर्कशीच्या माध्यमातून पहावयास मिळत होते. अलीकडे शासनाने वन्यप्राण्यांचा सर्कशीमध्ये वापर यावर बंदी घातल्याने घोडे, हत्ती,उंट,कुत्री यांनाच सर्कशीमध्ये प्रत्यक्षपणे पाहता येते. मात्र हेच जंगल आणि या जंगलामध्ये असणारी वन्य प्राणी त्यांचा आवाज पाहण्याची व ऐकण्याची संधी आता कोल्हापूरकरांना मिळणार आहे येथील आयर्नवीण ख्रिश्चन मैदान येथे महाराष्ट्रातली प्रथमच “डीजे ॲम्युझमेंट पार्क , रोबोट ॲनिमल नगरी ” उभी करण्यात आली आहे .ज्याद्वारे प्राण्यांसोबत व खेळाच्या विविध साधनांमधून धमाल-मस्ती करायला मिळणार आहे . या नगरीचे उदघाटन आज कोल्हापूरच्या महापौर सौ.सरिता मोरे यांच्या हस्ते व भाजपचे जिल्हाध्यक्ष श्री.संदीप देसाई यांच्या उपस्थितीत करण्यात आले.यावेळी ही नगरी पाहून महापौर यांनी खूप सुंदर नगरी उभी करण्यात आल्याचे सांगून कोल्हापूर करांनी याचा आनंद घ्यावा असे आवाहन केले.
केरळ मधील दिनेश कुमार, जयप्रकाश ,मेहबूबपाशा हे पार्टनर आहेत. रवींद्रनाथ ,सुनील राज हे याचे व्यवस्थापक आहेत. यांनी सर्वांनी मिळून ही नगरी या मैदानाच्या ठिकाणी उभी केली आहे या नगरीमध्ये कोल्हापूरकरांना निर्जीव प्राण्यांमध्ये जिवंतपणा असल्याचे पहावयास मिळणार आहे “सेल्फी आर्ट गॅलरी “शिवाय स्टॉलच्या माध्यमातून मनसोक्त खरेदी व खाद्यपदार्थ खाण्याची संधी या ठिकाणी उपलब्ध झाली आहे. शिवाय वेगवेगळ्या खेळाच्या माध्यमातून धमाल-मस्ती करता येणार आहे
या ठिकाणी उभे करण्यात आलेल्या जंगलात वेगवेगळी प्राणी यामध्ये उंट, हत्ती, सिंह ,वाघ, अवतार मधील पुरुष-महिला अस्वल ,डायनासोर्स, जिराफ, झेब्रा ,अजगर,हरीण आदि प्राणी पाहावयास मिळणार आहेत शिवाय प्राण्यांमधील जिवंतपणा पहावयास मिळणार आहे.
” सेल्फी आर्ट गॅलरी” मधून प्रत्यक्ष स्वतःचा फोटो काढता येणार आहे. यामध्ये याठिकाणी मदर तेरेसा, स्पायडरमॅन, समुद्रातील जहाज, अशा बऱ्याच चित्रांचा समावेश आहे.शिवाय ३० स्टॉल या ठिकाणी आहेत यामध्ये बेडशीट, खेळणी ,महिलाना लागणारे साहित्य, महिलांना लागणारे किचन साहित्य ,आदी विक्रीसाठी ठेवण्यात आले आहेत .
तर येथे उभी करण्यात आलेल्या मनोरंजन नगरीतील खेळण्यांमध्ये लहान मुलांसाठी मोटरसायकल, ड्रॅगन ट्रेन, हेलिकॉप्टर ,क्रॉसवेल पाळणे ,पाण्यातील कोलंबस पाळणा,ऑक्टोपस असे विविध प्रकारचे खेळाचे साहित्य उपलब्ध करण्यात आले आहेत. यासाठी दीडशे जणांची टीम कार्यरत असून कोल्हापूर मध्ये या नगरीच्या माध्यमातून दोन महिने मनसोक्त धमाल-मस्ती कोल्हापूरकरांना करता येणार आहे.