पद्मश्री डॉ. डी. वाय पाटील यांच्यावर वाढदिनी शुभेच्छांचा वर्षाव

कोल्हापूर: डी. वाय. पाटील ग्रुपचे संस्थापक, त्रिपुरा, बिहार आणि पश्चिम बंगालचे माजी राज्यपाल पद्मश्री डॉ. डी वाय पाटील (दादासाहेब) यांचा 90 वा वाढदिवस बुधवारी कौटुंबिक वातावरणात उत्साहात साजरा करण्यात आला. कसबा बावडा येथील निवासस्थानी कुटुंबीयांनी औक्षण करून त्यांना दीर्घायुष्यसाठी शुभेच्छा दिल्या. विविध क्षेत्रातील मान्यवरांनी यावेळी दादासाहेबांना वाढदिवसानिमित्त शुभेच्छा दिल्या.डॉ. डी. वाय. पाटील यांनी १९८४ साली कसबा बावडा येथे पहिले अभियांत्रिकी महविद्यालय सुरू केले. त्यानंतर कोल्हापूर, मुंबई व पुणे येथे डी.वाय’ पाटील ग्रुपचा विस्तार करत अभियांत्रिकी, वैद्यकीय, कृषी, व्यवस्थापन, आर्किटेक्चर, हॉस्पीटल, हॉटेल मॅनेजमेंट अशा विविध क्षेत्रातील गुणवत्तापूर्ण उच्च शिक्षण देणाऱ्या संस्था सुरू केल्या. दादासाहेबांच्या दूरदृष्टी नेतृत्वातून आज 8 विद्यापीठे, 17 अभियांत्रिकी महाविद्यालये, 182 संस्था, 22 हजाराहून अधिक कर्मचारी, सव्वा चार लाखाहून अधिक माजी विद्यार्थी असा संस्थेचा मोठा विस्तार झाला आहे.

शिक्षण क्षेत्रात भरीव योगदान देणाऱ्या दादासाहेबांनी बुधवारी ९१व्या वर्षात पदार्पण केले. कुटुंबीयांनी औक्षण करून दादासाहेबांना निरोगी दीर्घायुष्याच्या शुभेच्छा देत आशीर्वाद घेतले. दादासाहेबाच्या हस्ते केक कापून वाढदिवस साजरा करण्यात आला. यावेळी सौ. शांतादेवी डी. पाटील, डॉ. संजय डी. पाटील, आमदार सतेज डी. पाटील, सौ. राजश्री काकडे, डॉ. प्रिया चोलेरा, सौ. वैजयंती संजय पाटील, श्री. मेघराज काकडे, डॉ. प्रदीप पालशेतकर, पृथ्वीराज पाटील, सौ. वृषाली पृथ्वीराज पाटील, तेजस पाटील, देवश्री पाटील, करण काकडे,सौ. चैत्राली काकडे, यांच्यासह सुना, जावई, नातसुना-जावई, नातवंडे- पणतवंडे यांच्यासह कुटुंबीय उपस्थित होते.

उपमुख्यमंत्री एकनाथ शिंदे, डॉ. विजय डी. पाटील, डॉ. अजिंक्य डी. पाटील, डॉ. भाग्यश्री पाटील,नवी मुंबई महापालिका अतिरिक्त आयुक्त डॉ. राहुल गेठे, माजी खासदार राजू शेट्टी, आय ए एस अधिकारी अनिल डिग्गीकर, पी.एस. आय रवी गाडे, कृषी तज्ञ बुधाजीराव मुळीक, न्या. बी. जी. कोळसे – पाटील, डॉ. कुमार सप्तर्षी, काँग्रेस नेते अभय छाजेड, डॉ. एकनाथ खेडकर, डॉ. संजय ओक, रुबी हॉस्पिटलचे डॉ. संदीप मुनोत, अभय कोटकर, विश्वास पाटील आबाजी, स्वामी कीर्ती महाराज राजराजेश्वरी(बेंगलोर), गणेश नेर्लेकर महाराज, शिवहरी मोतीबाबा (वाराणसी) यांनी दूरध्वनीवरून दादासाहेबाना जन्मदिनाच्या शुभेच्छा दिल्या.विविध क्षेत्रातील मान्यवरांनी फोनद्वारे दादासाहेबाना जन्मदिनाच्या शुभेच्छा दिल्या.

खासदार शाहू महाराज छत्रपती,डी वाय पाटील विद्यापीठ, पुणेचे कुलपति डॉ पी डी पाटील, पुढारीचे संपादक प्रतापसिंह जाधव, माजी खासदार संजय मंडलिक, माजी आमदार के पी पाटील, मानसिंगराव खोराटे, मकरंद देशपांडे, माजी कुलगुरू माणिकराव साळुंखे, डॉ बी पी साबळे, डी. वाय. पाटील कृषी व तंत्र विद्यापीठाचे प्रभारी कुलगुरू डॉ. सतिश पावसकर, चिमणराव डांगे, धैर्यशील पाटील ( इस्लामपूर) जयंत प्रदीप पाटील, डी आर मोरे, गोकुळचे संचालक बाबासो चौगले, शशिकांत पाटील चुयेकर, किसन चौगले, यांच्यासह यांच्यासह सामाजिक, राजकीय, शैक्षणिक, कला, क्रीडा, साहित्य,पत्रकारितेसह विविध क्षेत्रातील मान्यवर तसेच डी. वाय. पाटील ग्रुपच्या विविध संस्थांचे अधिकारी, प्राचार्य, प्राध्यापक, कर्मचारी यांनी प्रत्यक्ष भेटून दादासाहेबांना शुभेच्छा दिल्या.