केडीसीसीच्या इचलकरंजीतील ई लॉबी इमारतीचे भूमिपूजन 

इचलकरंजी :केडीसीसी बँकेच्या इचलकरंजी येथील मुख्य शाखेच्या ई लॉबीच्या इमारतीचे भूमिपूजन बँकेच्या ज्येष्ठ संचालिका व माजी खासदार श्रीमती निवेदिता माने यांच्या हस्ते झाले. प्रमुख पाहुणे म्हणून बँकेचे संचालक व आमदार राजूबाबा आवळे हे उपस्थित होते.यावेळी बँकेचे संचालक विलासराव गाताडे व इचलकरंजी इंडस्ट्रियल इस्टेटचे अध्यक्ष राहुल खंजिरे, बँकेच्या महिला विकास कक्षाच्या सौ. रंजना स्वामी, शाखाधिकारी दीपक रावळ, आर्थिक साक्षरता केंद्रप्रमुख संजय कुडचे, इंजिनियर श्री. देसाई आदींसह अधिकारी व कर्मचारी  उपस्थित होते.
बँकेचे मुख्य कार्यकारी अधिकारी डॉ. ए. बी. माने यांनी स्वागत व प्रास्ताविकपर भाषणात  ई लॉबी प्रणालीविषयी सविस्तर माहिती दिली.