कोल्हापूर : महाराष्ट्राच्या संस्कृतीचा एक आकर्षक भाग म्हणजे संगीत. त्यात लोकसंगीताचा बाज आला तर रसिकमनांसाठी ही पर्वणीच ठरते. अशा संगीतमय चित्रपटांना नेहमीच प्रेक्षकांनी डोक्यावर उचलून धरलं आहे. याच धाटणीचा लोकसंगीताशी निगडीत “छंद प्रितीचा” हा चित्रपट लवकरच प्रेक्षकांच्या भेटीला येणार आहे, ज्यात एका शाहीराचा संगीतमय प्रवास उलगडत जातो. प्रेमला पिक्चर्स निर्मित हा चित्रपट 10 नोव्हेंबरला संपूर्ण महाराष्ट्रात प्रदर्शित होणार आहे.चित्रपटाचे दिग्दर्शन दिग्दर्शक एन. रेळेकर यांनी केले असून दिग्दर्शनाबरोबरच कथा – पटकथा – गीतलेखनाची धुराही एन. रेळेकर यांनीच सांभाळली आहे. तमाशापट, उत्कृष्ट संगीत,कलाकार यामुळे हा चित्रपट प्रेक्षकांना आवडेल असे रेळेकर म्हणाले.तर निर्मिती चंद्रकांत जाधव यांनी केली आहे.मी इंजिनिअर आहे पण कलेची आवड असल्याने तसेच कलेचे माहेरघर कोल्हापूर असल्याने या चित्रपटाची निर्मिती केली आहे असे उद्योगपती चंद्रकांत जाधव यांनी पत्रकारांशी बोलताना आपल्या भावना व्यक्त केल्या.छंद प्रीतीचा या नाटकावर आधारित 
कलेच्या उपासकांची कलेवरील श्रध्दा दर्शवणाऱ्या या चित्रपटात शाहीराच्या भूमिकेत दिसणारा हर्ष कुलकर्णी आपल्या कलेसाठी सर्वस्व पणाला लावतो. या प्रवासात त्याला लाभलेली नृत्यांगना चंद्रा (सुवर्णा काळे) आणि ढोलकीसम्राट (सुबोध भावे) यांची साथ त्यातून कलाप्रेमी शाहीराच्या आयुष्यात होत जाणारे बदल याची कथा म्हणजे ‘छंद प्रितीचा’ या चित्रपटाच्या कथेला लोकसंगीताचा बाज लाभला आहे. ज्यात शाहीरी लावणी, सवाल – जवाब, श्रृंगारीक लावणी या सगळ्याच प्रकारांची मजा प्रेक्षक अनुभवू शकणार आहेत.
चित्रपटाच्या कथेला साजेसं संगीत प्रविण कुवर यांनी दिलं असून बेला शेंडे, आदर्श शिंदे, जावेद अली, केतकी माटेगावकर, वैशाली सामंत, आणि नंदेश उमप यांचे स्वर लाभले आहेत.
या चित्रपटात सुबोध भावे, सुवर्णा काळे आणि हर्ष कुलकर्णीबरोबर विकास समुद्रे शरद पोंक्षे, गणेश यादव, सुहासिनी देशपांडे, अभिषेक कुलकर्णी आणि विशाल कुलथे महत्त्वाच्या भूमिकेत दिसणार आहेत.
चित्रपटाचे छायाचित्रपदिग्दर्शन जितेंद्र आचरेकर यांनी तर संकलन अपूर्वा मोतीवाले यांनी केले आहे.
Leave a Reply