विद्यापीठात एकता रॅलीने वल्लभभाई पटेल यांना अभिवादन

कोल्हापूर: देशाची अखंडता, एकता आणि एकात्मता अबाधिक राखण्याचा संदेश देत शिवाजी विद्यापीठात आज सकाळी ‘रन फॉर युनिटी’ रॅलीचे आयोजन करण्यात आले.लोहपुरूष सरदार वल्लभभाई पटेल यांच्या जयंतीनिमित्त देशभरात राष्ट्रीय एकता दिवस साजरा करण्यात येत आहे. या अंतर्गत या दौडीचे आयोजन करण्यात आले. विद्यापीठाचे कुलसचिव डॉ. विलास नांदवडेकर यांच्या हस्ते ‘फ्लॅग-ऑफ’करून रॅलीस प्रारंभ करण्यात आला.विद्यापीठाच्या मुख्य प्रशासकीय इमारतीपासून संपूर्ण कॅम्पसमध्ये ही फेरी काढण्यात आली. मुख्य प्रशासकीय इमारतीसमोर सांगता झाल्यानंतर विद्यार्थी विकास मंडळाचे संचालक डॉ. आर.व्ही. गुरव यांनी सहभागींना एकता व एकात्मतेची शपथ दिली.

रॅलीमध्ये प्रभारी वित्त व लेखाधिकारी अजित चौगुले, क्रीडा अधिविभाग प्रमुख डॉ. पी.टी. गायकवाड यांच्यासह विद्यापीठाचे अधिकारी, प्रशासकीय सेवक, विद्यार्थी-विद्यार्थिनी मोठ्या संख्येने सहभागी झाले.