कोल्हापूर : शहरामध्ये मोठया प्रमाणात विनापरवाना विविध जाहिरात फलक उभे करण्यात आलेली आहेत. सदर जाहिरात फलकासाठी महापालिकेकडून रितसर परवानगी घेणे आवश्यक आहे. ज्या फलकधारकांनी परवानगी घेतलेली नाही अशा अवैध जाहिरात फलक, होर्डिग्ज, बॅनर्स हटविणेची कारवाई महापालिकेच्या सर्व विभागीय कार्यालयाकडून सुरु करण्यात आली आहे.
याअंतर्गत आज गांधी मैदान विभागीय कार्यालयांतर्गत मिरजकर तिकटी, नंगीवली चौक, संभाजीनगर, निर्माण चौक, रायगड कॉलनी, जरगनगर, नेहरुनगर या परिसरातील विनापरवाना 15 डिजीटल बोर्ड व कटआऊटस् हटविण्यात आले. सदरची कारवाई उपशहर अभियंता रमेश मस्कर कनिष्ठ अभियंता प्रिया पाटील यांचे मार्गदर्शनाखाली करण्यात आली.
शहरातील सर्व नागरिकांना आवाहन करणेत येते की, ज्या व्यक्तींनी शहरात अशा प्रकारचे जाहिरात फलक, शुभेच्छा बोर्ड, फ्लेक्स लावले आहेत ते त्वरीत काढून घ्यावेत असे महानगरपालिकेच्यावतीने आवाहन करणेत येत आहे.
Leave a Reply