कोल्हापूर : देशभक्त रत्नाप्पा कुंभार कॉलेज ऑफ कॉमर्स या शिक्षण संस्थेची स्थापना सन १९५७ मध्ये करण्यात आली. या कॉलेजमधून आजपर्यंत हजारो विध्यार्थ्यांनी शिक्षण प्राप्त केले असून, पुढे हे विध्यार्थी राजकीय, सामाजिक, शासकीय, परराष्ट्रीय सेवेत उच्च पदावर कार्यरत आहेत. या आजी – माजी विध्यार्थ्यांचे संघटन होऊन, कॉलेजच्या जुन्या आठवणीना उजाळा देण्यासाठी कॉलेजच्या स्थापनेपासून ते आजपर्यंतच्या सुमारे ६१ वर्षातील सर्व माजी विध्यार्थ्यांचा भव्य दिव्य स्नेहमेळावा माजी विध्यार्थी संघ, कोल्हापूर यांच्यावतीने पुढील वर्षी दि. ९ व १० फेब्रुवारी २०१९ रोजी आयोजित करण्यात आला आहे. या स्नेह मेळाव्यास सुमारे ५० हजार माजी विद्यार्थी उपस्थित राहतील, अशी माहिती कॉमर्स कॉलेज माजी विद्यार्थी संघाचे अध्यक्ष आमदार राजेश क्षीरसागर यांनी दिली आहे. या भव्य स्नेह मेळाव्याच्या नियोजनासाठी आज “कॉमर्स कॉलेज मल्टीपर्पज हॉल” येथे माजी विध्यार्थ्यांच्या बैठकीचे आयोजन करण्यात आले होते.
या बैठकीच्या सुरवातीस कॉमर्स कॉलेज माजी विद्यार्थी स्नेह मेळाव्याच्या लोगोचे अनावरण करण्यात आले. या बैठकीमध्ये नियोजनाकरिता विविध समित्याची स्थापना करण्यात आली. तसेच या समित्यांची जबाबदारी उपस्थित माजी विद्यार्थ्याना विभागून देण्यात आली. यास कार्यक्रमाची रूपरेषा ठरविण्यात आली. प्रत्तेक वर्षाच्या विध्यार्थ्यांची उपस्थिती राहण्याच्या दृष्ठीने जबाबदारी त्या- त्या वर्षातील विध्यार्थ्यांवर देण्यात आली आहे. यासह कार्यक्रम यशस्वी पार पाडण्याच्या दृष्टीने चर्चा करण्यात आली. या मेळाव्यास कॉलेजच्या स्थापनेपासून आजपर्यंत म्हणजे सुमारे ६१ वर्षातील विद्यार्थ्याचा सहभाग असणार आहे. या दिमाखदार सोहळ्या अंतर्गत कॉलेजमध्ये शिक्षण घेतलेल्या आणि सध्या उच्च पदांवर कार्यरत असणाऱ्या माजी विद्यार्थ्यांचा सत्कार करण्यात येणार आहे. तरी या स्नेह मेळाव्यास कॉलेजच्या माजी विध्यार्थ्यांनी मोठ्या संख्येने उपस्थित राहावे, असे आवाहन माजी विध्यार्थी संघाचे अध्यक्ष आमदार मा. राजेश क्षीरसागर यांनी केले आहे. यांनी केले आहे. या कार्यक्रमास कॉलेजचे माजी विद्यार्थी श्री. ऋषिकेश गोडबोले यांनी रुपये पंचवीस हजार इतकी देणगी दिली.
यावेळी संस्थेचे उपाध्यक्ष प्रसाद कामत, सेक्रेटरी अॅड. व्ही. एन. पाटील, प्राचार्य व्ही.ए. पाटील, माजी संघाचे उपाध्यक्ष सुनील नागावकर, सेक्रेटरी प्रमोद जगताप, प्रवीण गुहागरकर, रविंद्र खेडेकर, अनिरुद्ध भुर्के, मदन कारेकर, राजीव गवळी, स्वरूप तेली, आदी माजी विद्यार्थी मोठ्या संख्येने उपस्थित होते.
Leave a Reply