कोल्हापूर : कोल्हापूर जिल्ह्यातील सर्व लढती ठरल्या आहेत. पण, कोल्हापूर उत्तर विधानसभा मतदारसंघात माझ्या विरोधीत उमेदवार कोण? हे गुलदस्त्यातच आहे. युती ठरली असून, कोल्हापूर उत्तरमध्ये भगवाच फडकणार आहे. युतीकडून मीच निवडणूक लढविणार आणि जिंकणार आहे. सत्तेत आल्यानंतर कोल्हापुरात मोठे आय.टी.पार्क उभारु, अशी ग्वाही आमदार राजेश क्षीरसागर यांनी दिली. दैवज्ञ बोर्डिंग येथे झालेल्या युवा मेळाव्या प्रसंगी ते बोलत होते. या मेळाव्यात “ठरलंय नक्की, हॅट्रीक पक्की” च्या घोषणा देत युवकांनी आमदार राजेश क्षीरसागर यांना विजयी करण्याचा निर्धार केला.बेरोजगारीमुळे तरुण इतर शहरांची वाट धरत असून, कोल्हापूरातच मोठे आय.टी.पार्क उभे करून रोजगार देण्यासाठी प्रयत्न करणार असल्याचे सांगत युवकांची शक्ती पाठीशी असल्यानेच आपला विजय निश्चित असल्याचे सांगितले.यावेळी ऋतुराज क्षीरसागर, किशोर घाटगे, चेतन शिंदे, सौरभ कुलकर्णी, विनय क्षीरसागर यांनी आपली मनोगते व्यक्त केली.यावेळी युवा सेनेचे योगेश चौगुले, अविनाश कामते,पियुष चव्हाण,विश्वदीप साळोखे, अक्षय बोडके,गुरु लाड,शैलेश साळोखे,अक्षय कुंभार, अजिंक्य पाटील,प्रसाद पोवार, विश्वजित चव्हाण आदी उपस्थित होते.
Leave a Reply