कोल्हापूर : महापालिकेच्या विभागीय कार्यालय क्र. 3 राजारामपुरी अंतर्गत काल व आज करणेत आलेल्या कारवाईमध्ये विनापरवाना 92 डिजीटल फलक हटविण्यात आले.
शहरामध्ये विनापरवाना जाहिरात, शुभेच्छा फलक उभे करण्यात आलेली आहेत. जाहिरात फलकासाठी महापालिकेकडून रितसर परवानगी घेणे आवश्यक आहे. ज्या फलकधारकांनी परवानगी घेतलेली नाही अशा अवैध जाहिरात फलक, होर्डिग्ज, बॅनर्स हटविणेची कारवाई महापालिकेच्या विभागीय कार्यालयाकडून सुरु करण्यात आली आहे.
याअंतर्गत राजारामपुरी विभागीय कार्यालयांतर्गत शाहूपुरी, राजारामपुरी, टाकाळा, राजेंद्रनगर, दौलतनगर, शिवाजी विद्यापीठ परिसर, टेंबलाईवाडी, विक्रमनगर या परिसरातील विनापरवाना 92 डिजीटल बोर्ड हटविण्यात आले. सदरची कारवाई उपशहर अभियंता एस.के.माने यांच्या मार्गदर्शनाखाली व कनिष्ठ अभियंता आर.के.जाधव, एन.एस.पाटील, महानंदा सुर्यवंशी, एन.एस.पोवार, मिलिंद जाधव व पोलिस कर्मचारी यांनी कारवाई केली.
विनापरवाना डिजीटल बोर्ड लावलेस विभागीय कार्यालयामार्फत संबधीतावार फौजदारी कारवाई करणेत येईल.तरी विनापरवाना लावणेत आलेले जाहिरात फलक, शुभेच्छा बोर्ड, फ्लेक्स त्वरीत संबधीतांनी काढून घ्यावेत असे महानगरपालिकेच्यावतीने आवाहन करण्यात आले आहे.
Leave a Reply