शहरातील सर्व तालीम संस्था व तरुण मंडळे सॅनिटाइज करणार: जिल्हाध्यक्ष राहुल चिकोडे

कोल्हापूर: महाराष्ट्र भाजपा प्रदेशाध्यक्ष मा. चंद्रकांतदादा पाटील यांच्या संकल्पनेतून वाढत्या कोरोनाच्या महामारीमुळे कोल्हापुरातील सर्व तरुण मंडळे, तालीम संस्था सॅनिटाइज करायचा उपक्रम सानेगुरुजी रिक्षा स्टॉप येथील लक्ष्मीटेक विकास मंडळ या ठिकाणी या कार्यक्रमाचा शुभारंभ करण्यात आला. प.म.दे.स अध्यक्ष महेश जाधव, भाजपा जिल्हाध्यक्ष राहुल चिकोडे यांच्या विशेष सहकार्यातून कोल्हापूर शहरातील सर्व तरुण मंडळे व तालीम संस्था सॅनिटाइज करण्यात येणार आहेत.या कार्यक्रमाचे उद्दघाटन भाजपचे जिल्हा उपाध्यक्ष व लक्ष्मीटेक विकास मंडळाचे अध्यक्ष संजय सावंत तसेच जिल्हा सरचिटणीस दिलीप मेत्राणी यांच्या शुभाहस्ते करण्यात आले. या कार्यक्रमाचे संपूर्ण संयोजन भाजपचे जिल्हा सरचिटणीस गणेश देसाई हे करत आहेत. या कार्यक्रमाला जिल्हा सरचिटणीस हेमंत आराध्ये, जिल्हा उपाध्यक्ष अमोल पालोजी, राजू मोरे, सचिन तोडकर, आशिष कपडेकर, गिरीष साळोखे, सिद्धांत भेंडवडे, किरण मुरारी इ. कार्यकर्ते व पदाधिकारी उपस्थित होते.