शिवाजी पुल व नवीन पूलावरुन गणपती विसर्जनास मनाई

कोल्हापूर : गुरुवार दि. 15 सप्टेंबर 2016 रोजी गणेशोत्सव मंडळाचे व घरगुती गणपतीचे विसर्जन होणार आहे. रत्नागिरी-कोल्हापूर-सोलापूर राष्ट्रीय महामार्ग क्र.166 पंचगंगा नदीवरील जुना व नवीन पूलावरुन गणपती विसर्जन केल्यास वाहतूकीस अडथळा निर्माण होऊन अपघात होण्याची शक्यता नाकारता येत नाही. क्रेनद्वारे/जेसीबीद्वारे अथवा अन्य मार्गाने जुन्या व नवीन पुलावरुन विसर्जन करणे धोक्याचे आहे. त्यामुळे रत्नागिरी कोल्हापूर सोलापूर राष्ट्रीय महामार्ग क्र.166 वरील पंचगंगा नदीवरील जुना व नवीन पूलावरुन गणपती विसर्जन करु नये याबाबत कार्यकारी अभियंता राष्ट्रीय महामार्ग,कोल्हापूर यांनी प्रशासनाला प्रस्तावित केले असून त्यानुसार उचित कारवाई करण्याचे निर्देश जिल्हाधिकारी डॉ. अमित सैनी यांनी पोलीस विभागाला दिले आहे.