कोल्हापूर-मुंबई विमान प्रवास 2500 रूपयात

नवी दिल्ली: पंतप्रधान नरेंद्र मोदी यांची महत्त्वकांक्षी उडाण योजना लाँच झाली असून आज या योजनेतील 45 मार्ग जाहीर झाले आहेत.महत्त्वाचं म्हणजे या योजनेत महाराष्ट्रातील 5 शहरांचा समावेश असून, या मार्गावर अवघ्या अडीच हजार रुपयात प्रवास करता येणार आहे.नागरी हवाई वाहतूकमंत्री अशोक गजपती राजू यांनी देशभरातील मार्गांची आज घोषणा केली.‘उडाण’ या योजनेनुसार एक तासाचा हवाईप्रवास अवघ्या अडीच हजार रुपयात करता येईल.महाराष्ट्रातील नांदेड- मुंबई नांदेड – हैदराबाद नाशिक (ओझर) – मुंबई नाशिक (ओझर) – पुणे कोल्हापूर – मुंबई जळगाव -मुंबई सोलापूर – मुंबई या योजनेनुसार या मार्गावरील विमानातील एकूण सीट्सच्या 50 टक्के सीट या अडीच हजार रुपयांच्या असतील. त्याव्यतिरिक्त सीट्ससाठी नियमित मूल्य मोजावे लागेल.