कोल्हापूर: कोल्हापुरातील सतत सामाजिक उपक्रमात असणारी एनरव्हील क्लब ऑफ कोल्हापूर सनराईजचा २०१७-२०१८ या वर्षाकरिता पदाधिकारी यांचा पदग्रहण समारंभ नुकताच संपन्न झाला.क्लबच्या मावळत्या अध्यक्षा पायल शहा यांनी नूतन अध्यक्षा ममता निरंजन गद्रे यांना आपला पदभार सुपूर्त केला.तसेच २०१६.१७ च्या सचिव प्रिती चंदवाणी यांनी नूतन सचिव रितु वायचळ यांच्याकडे पदाची सूत्रे सोपवली.कार्यक्रमाच्या प्रमुख पाहुण्या एनरव्हील क्लबच्या जिल्हाच्या चेअरमन उषाजी गौडर यांच्या मार्गदर्शनाखाली हा पदग्रहण समारंभ पार पडला.मावळत्या अध्यक्ष्या पायल शहा यांनी वर्षभरातील कामकाजाचा आढावा घेतला. एनरव्हील क्लब ऑफ कोल्हापूर सनराईजने आजवर समाजातील अनेक गरजू,गरीब आणि वंचित घटकांना मदत केली आहे.यामध्ये ताराराणी हायस्कूलमधील ३० गरीब विद्यर्थ्याना दत्तक घेतले असून ताराराणी हायस्कूलमध्ये हॉकी स्टिक वाटप,ग्रामीण भागात साक्षरता अभियान,अनेक महिलांना आर्थिकदृष्ट्या स्वावलंबी बनविण्यासाठी महिला सक्षमीकरण करण्यासाठी चटणी मशिन.पिठाची चक्की आणि शिलाई मशिन वाटप,ज्ञानप्रबोधिनी अंध शाळेत अंध मुलांसाठी गायन स्पर्धांचे आयोजन,ज्ञानदीप विद्या मंदिर येथे खेळणी व शैक्षणिक साहित्य वाटप,१५० शिक्षकांना आहारविषयक प्रशिक्षण,ई-लर्निग प्रशिक्षण याचबरोबर चेतना विकास मंदिर आणि मातोश्री वृद्धाश्रम येथील गरजूंना गेल्या वर्षात मदतीचा हात दिला आहे असे माजी अध्यक्षा पायल शहा यांनी सांगितले.राष्ट्रीय पातळीवर असणाऱ्या या संस्थेने गेल्या 3 वर्षात अंतरराष्ट्रीय पातळी गाठली आहे.संस्थेचा प्रगतीचा व जास्तीत जास्त सामाजिक उपक्रम राबविण्याचा आलेख चढताच ठेवणार अशी ग्वाही नूतन अध्यक्षा ममता गद्रे आणि सचिव रितु वायचळ यांनी दिली.यावर्षी पदाधिकारी म्हणून उपाध्यक्ष प्रिती चंद्वानी,खजानीस शर्मिला खोत,सह खजानीस अश्विनी सुवर्णा,सह सचिव वसुधा लिंगस,स्मिता सावंत,श्रद्धा राणे,गीतांजली ठोमके,सोनाली पटेल,अमृता पारेख यांनी संचालक पद स्विकारले. डॉ.कावेरी चौगुले डॉ.मयुरा खोत यांनी सूत्रसंचालन केले.यावेळी क्लबच्या सदस्या,रोटेरियन मोठ्या संख्येने उपस्थित होत्या.
Leave a Reply