कोल्हापूर : शहरामध्ये मोठया प्रमाणात विनापरवाना विविध जाहिरात फलक उभे करण्यात आलेली आहेत. सदर जाहिरात फलकासाठी महापालिकेकडून रितसर परवानगी घेणे आवश्यक आहे. ज्या फलकधारकांनी परवानगी घेतलेली नाही अशा अवैध जाहिरात फलक, होर्डिग्ज, बॅनर्स हटविणेची कारवाई महापालिकेच्या चारही विभागीय कार्यालयाकडून सुरु करण्यात आली आहे.
याअंतर्गत आज शिवाजी मार्केट विभागीय कार्यालयांतर्गत गंगावेश दुध कट्टा, पापाची तिकटी, लोणार चौक, गवळ गल्ली, क्षीरसागर चौक, तोरस्कर चौक, परीट गल्ली, प्रविण बेकरी, शुक्रवार गेट, वाघाची तालीम, लक्षतिर्थ मेन रोड, त्रिमुत्री कॉलनी, रंकाळा स्टॅण्ड या रस्त्यावरील विनापरवाना 17 डिजीटल बोर्ड व 20 छोटे बॅनर काढणेची कारवाई करण्यात आली. तरी शहरातील सर्व नागरिकांना आवाहन करणेत येते की, ज्या व्यक्तींनी शहरात अशा प्रकारचे जाहिरात फलक, शुभेच्छा बोर्ड, फ्लेक्स लावले आहेत ते त्वरीत काढून घ्यावेत असे महानगरपालिकेच्यावतीने आवाहन करणेत येत आहे.
Leave a Reply