पश्चिम महाराष्ट्रातील भव्य ‘सतेज कृषी आणि पशु प्रदर्शन’ येत्या १ ते ४ डिसेंबर दरम्यान; देशविदेशातील नामवंत कंपन्यांचा सहभाग

कोल्हापूर : शेतकऱ्यांना एकाच छताखाली नवनवीन तंत्रज्ञान आणि माहिती मिळावी या उद्देशाने पश्चिम महाराष्ट्रातील भव्य ‘सतेज कृषी आणि पशु प्रदर्शन’ येत्या १ ते ४ डिसेंबर दरम्यान कळंबा येथील तपोवन मैदानावर आयोजित केले असून प्रदर्शनाची तयारी अंतीम टप्प्यात आली असून देशविदेशातील नामवंत कंपन्यांचा सहभाग या प्रदर्शनात असणार आहे अशी माहिती आमदार सतेज उर्फ बंटी पाटील यांनी पत्रकारांशी बोलतना दिली.प्रदर्शनाचे उद्घाटना १ डिसेंबर रोजी दुपारी ४ वाजता माजी मुख्यमंत्री अशोकराव चव्हाण,माजी मंत्री पतंगराव कदम,आमदार हसन मुश्रीफ,महापौर हसीना फरास या मान्यवरांच्या उपस्थितीत होणार आहे.
प्रदर्शनात शेतकरी ते ग्राहक असा थेट विक्री होणारा तांदूळ महोत्सव २०० हुन अधिक कृषीशी संबंधित कंपन्या, ३०० हून अधिक जातिवंत पशु-पक्षी आणि जनावरे यांचे भव्य दालन,नांदेड हून गलबेल लाल गांधारी,लातूरहून देवणी गाय आणि जर्सी,डॅनिष गाय सारख्या अनेक गायींच्या प्रजाती हे प्रदर्शनाचे वैशिठ्य असणार आहे.याचबरोबर अश्व,शेळ्या,मेंढ्या,ससेपालन यांच्या पालनातून व्यवसाय निर्मिती याबद्दल मार्गदर्शन आणि जनावारंचा गौरव करण्यात येणार आहे.चार दिवस चालणाऱ्या या प्रदर्शनात परभणी येथील पशुवैद्यकीय महाविद्यालयाचे प्राचार्य डॉ.नितीन मार्तंड,कृषी तज्ञ विलास शिंदे,कृषिभूषण शेतकरी संजीव माने यांची मार्गदर्शनपर व्याख्याने होणार आहेत.एकूणच या प्रदर्शनाच्या माध्यमातून शेतकऱ्यांना आणि कोल्हापूरच्या जनतेला एकूणच हे प्रदर्शन माहिती आणि मार्गदर्शन मिळणार असल्याने याला आवश्य भेट द्यावी असे आवाहन आमदार सतेज उर्फ बंटी पाटील यांनी केले आहे.पत्रकार परिषदेस उपमहापौर अर्जुन माने,संदीप नेजदार,शारंगधर देशमुख,मधुकर रामाणे,धीरज पाटील,स्वप्नील सावंत,अतुल जाधव,सत्यजित भोसले,प्रफुल्ल काटे,जयवंत जगताप,सुयोग मगदूम,अश्पाक आजरेकर,उदय जाधव,दत्ता हालगे उपस्थित होते.