कोल्हापूर : कोल्हापूर जिल्‍हा सहकारी दूध उत्‍पादक संघ (गोकुळ) संघाच्या ताराबाई पार्क कार्यालय येथे लेखक व उद्योजक प्रफुल्ल वानखेडे यांचे ‘व्यक्तिगत उन्नती सह संस्थेची प्रगती’ या विषयावर सहकार सप्ताहाच्या पार्श्वभूमी वरती व्याख्यान आयोजित करण्यात आले होते.
यावेळी प्रफुल्ल वानखेडे यांनी राजर्षी छत्रपती शाहू महाराज यांना वंदन करून भाषणाला सुरवात केली व वानखेडे पुढे बोलतना म्हणाले महाराष्ट्राला सहकार सामाजिक औद्योगिक विकासामुळे वैभव प्राप्त झाले आहे. सहकारातील एक अग्रगणने दूध संघ म्हणून गोकुळचा दबदबा आहे. सहकाराच्या माध्यमातून गोकुळने ग्रामीण जनतेची विशेष करून महिलांना स्वावलंबी करण्याची प्रभावी काम केले आहे. दूध उत्पादकांना न्याय देण्याचे काम आर्थिक नियोजनामुळे ग्रामीण अर्थव्यवस्था बळकट झालेली आहे. यामुळे सहकार चळवळीचे यश म्हणजेच गोकुळ असे म्हटले तर वावगे ठरणार नाही. भविष्यात गोकुळ सहकाराच्या माध्यमातून निवृत्ती जगात आपले कार्य सिद्ध करेल असा विश्वास माझ्यासारख्या उद्योगपतींना वाटतो. कर्मचाऱ्याची संस्थे बाबत असणारी आस्था, कामावरील निष्ठा, कुशलता व नवीन गोष्टी आत्मसात करण्याची गरज आहे.सहकारी संस्थेमध्ये काम करताना सर्व समावेशक राहणे हे फार महत्त्वाचे आहे. भाषा कौशल्य, पुस्तक वाचन, कामकाजातील स्वातंत्र्य या सर्वबाबी कर्मचाऱ्यानी आत्मसात करण्याचा प्रयत्न केला पाहिजे. यामुळेच स्वतःच्या बरोबर संस्थेची प्रगती कोणी रोखू शकत नाही. कर्मचारी वर्गामध्ये जागरूकता, सांघिक काम करण्याची इच्छा व सर्वात वरिष्ठ व्यवस्थापक पासून ते खालच्या कामगारापर्यंत सर्वत्र स्वकर्तृत्व विषयी जाणीव असणे फार महत्त्वाचे आहे. संस्थेची प्रगती आणि समृद्धी साध्य करण्यासाठी या सर्व बाबी महत्त्वाचे आहेत असे मार्गदर्शन केले.या प्रसंगी स्वागत व प्रास्तविक संघाचे माजी चेअरमन व जेष्ठ संचालक अरुण डोंगळे यांनी केले व मार्गदर्शन चेअरमन विश्वास पाटील यांनी केले तसेच आभार संचालक अजित नरके यांनी माणले तर सूत्रसंचालन एम.पी.पाटील यांनी केले.
Leave a Reply