कोल्हापूर : मेरी वेदर मैदानाचा सातत्याने व्यावसायिक वापर करण्यासाठी दिली जात असलेली परवानगी ही पूर्णतः अयोग्य व नियमबाह्य आहे, हे मैदान एक सार्वजनिक मालमत्ता असून अधिकृतरीत्या खेळाच्या मैदान म्हणून घोषित करण्यात आलेले आहे. तथापि, सदर मैदानाचा पद्धतशीरपणे खासगी व्यावसायिक वापरासाठी गैरवापर केला जात आहे.या गैरवापरास त्वरित आळा घालावा व मैदानाच्या कायदेशीर आरक्षणाची अंमलबजावणी करावी, ज्यामुळे एक अत्यंत महत्त्वाचे सार्वजनिक व सामुदायिक साधन व्यावसायिक अतिक्रमणापासून संरक्षित राहील.या मैदानाचा वापर मनमानी पद्धतीने करता येत नाही, तर तो अधिकृत महानगरपालिका ठरावानुसार नियंत्रित आहे. विशेषतः, कोल्हापूर महानगरपालिका ठराव क्रमांक ८५, दिनांक २०/३/२०१७ नुसार सदर मैदान हे केवळ क्रीडा उपक्रमांसाठी आरक्षित असल्याचे स्पष्टपणे नमूद करण्यात आले आहे. स्पष्ट आरक्षण असूनही क्रीडाव्यतिरिक्त कार्यक्रम व व्यावसायिक उपक्रमांसाठी दिले जात आहे.सुमारे ७०० ते १००० नागरिक दररोज या मैदानाचा वापर करतात. विशेषतः हिवाळी हंगामात या मैदानाचा वापर सर्वाधिक प्रमाणात होतो. अशा काळात सदर मैदान व्यावसायिक उपक्रमांसाठी देणे हे केवळ नागरिकांच्या हक्कांचे उल्लंघन नसून, कायद्याच्या तरतुदींनुसारही पूर्णपणे अवैध आहे. विशेषतः एमआरटीपी कायदा, १९६६ च्या कलम ३७-अ नुसार असा वापर अनुमत नाही.गैर-व्यावसायिक सार्वजनिक हिताच्या वापरासाठी जिल्हाधिकारी कार्यालयाची पूर्वपरवानगी घ्यावी.
या प्रकरणात दडलेले महत्त्वपूर्ण सार्वजनिक हित आपण लक्षात घ्याल. अश्या मागणीचे निवेदन मेरी वेदर फाउंडेशन आणि स्थानिक क्रीडा समुदायाच्या वतीने जिल्हाधिकारी अमोल येडगे यांना देण्यात आले.यावेळी नगरसेवक अर्जुन माने, आनंद माने, विजय साळोखे सरदार , नगरसेवक विनायक कारंडे ,संग्रामसिंह सरनोबत, संतोष गायकवाड ,योगेश देशपांडे , फ्रँक मँथेरो, श्रीराम दातार,राहुल वरूटे,नितीन सावंत, किरण वडगावकर,रविराज शिंदे,रामचंद्र काटकर,रवी खोत, संदिप चिगरे आदी उपस्थित होते.
